APL 267 Ls três carbones

Ua beç ua mulhier pobre iba a regar la huorta passou pula Fuonte de Poço Pinhal. Amarrou-se para buer auga ancuntrou alhá trés crouas de prata na auga. Depriessa las agarrou. Soutordle tornou a passar alhá l la mesma cousa. Assomou-se alhá l stában outras trés crouas de prata. I andou nestas andanças un par de dies. La bida desta ampeçou a melhorar de die para die i fui perdendo la simpricidade que tenie.
 Un die anroibou-se cun ua sue bezina i dixo-le:
 — Olha, you de ti nun preciso! Anquanto la Fuonte de Poço Pinhal nun deixe de manar denheiro, nun quiero saber de ti para nada!
 Soutordie la mulhier fui a la Fuonte de Poço Pinhal mas, an beç de ber trés crouas de prata, ancuntrou trés carbones. I nunca mais tornou a ancuntrar crouas de prata.