APL 266 L ancanto de la Fuonte de Poço Pinhal

Ua beç un pastor fui cul ganado. Dou-le la sede i fui buer auga a ia Fuonte de Poço Pinhal. Quando se amarrou para buer ancuntrou un filico de ouro na flor de la auga. El quedou mi spantado cul achado i lhougo pegou nel. L filico era tan cumprido que l ampeçou a debanar, a debanar, a debanar, até fazer un nobielho mi grande. Cumo yá nun podie cun el cortou-lo, só anquanto sintiu ua chapada i ua boç que le dixo assi:
 — Ah lhadron, que drobeste l miu ancanto!
 L ancanto staba alhá por cinquenta anhos i quedou alhá mais cien. I l pastor nun
ganhou nada cun isso.