APL 265 La Peinha de la Moura

Cuntában ls mais antigos que an Peinha de la Moura hable alhá un ancanto i poucos i éran capazes de ber.
 Ua beç un pastor que se chamaba Zé Marie, fui cun ias canhonas pa Peinha de la Moura a ber se l bie. L pastor cansou-se de sperar pul ancanto que nunca mais l salie. Fazie ua calor… i anquanto las canhonas andában ne pástio, Zé Marie botou-se a çcansar a la selombra dun carrasco. Assi que lhougo se deitou birou cuostas al ganado, oubiu ua boç (la boç de l ancanto) que le dixo:
 — Ah Zé Marie, olha las canhonas que se te bán!
 Zé Marie birou-se pa trás, a ber se bie las canhonas, i l ancanto scapou-se, i quedou l pastor sien ancanto.